Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Дзяржаўныя СМІ замаўчалі праблемы прадпрыемстваў у Баранавічах, дзе віцэ-прэм'ер пабываў з візітам
Каманда WTF высветліла, што праўладнае медыя пакінула за кадрам.
Напярэдадні Усебеларускага народнага сходу, 23 красавіка, дзяржаўнае інфармагенцтва БелТА напісала пра візіт віцэ-прэм'ера Пятра Пархомчыка на Баранавіцкае вытворчае баваўнянае аб'яднанне (БВБА). Каманда Weekly Top Fake разабралася, пра што не напісалі праўладныя СМІ.
У навінавай нататцы БелТА падрабязна распавядаецца, як высокапастаўлены чыноўнік пабываў у вытворчым корпусе БВБА, з якой новай аўтаматызаванай вытворчасцю азнаёміўся. БелТА асвятліла наведванне віцэ-прэм'ерам раскройнага ўчастка швейнай фабрыкі «Блакіт», ткацкай і аздобнай фабрыкі, а таксама размову з калектывам.
У навінах таксама распавялі, што Пархомчык вызначыў патрабаванні па дасягненні асноўных паказнікаў эфектыўнасці прадпрыемства. Але БелТА замаўчала прычыны візіту высокага чыноўніка і неабходнасці ўвядзення новых паказнікаў.
Каманда WTF высветліла, што менавіта праўладнае медыя пакінула за кадрам. У 2012-2015 гадах на БВБА прайшла мадэрнізацыя — і прадпрыемства апынулася ў цяжкім фінансавым становішчы, з якога не можа выбрацца дагэтуль.
Па выніках 2023 года, аб'яднанне спрацавала на 21 млн рублёў страт. Гэта ў 17 разоў больш, чым годам раней. 2020 і 2021 таксама былі стратнымі. Дзяржава пакрывае банкам частку працэнтаў па крэдытах.
У лютым прадпрыемства ў Баранавічах нават далучылі да Аршанскага ільнокамбінату, якому дзяржава таксама дапамагае разлічвацца з банкамі.
Але пра гэта напярэдадні ўсенароднага сходу праўладныя СМІ не пісалі.
