Антыфэйк / фактчэк

23 мая

Аляксей Дзермант: Узровень падтрымкі дзяржавай шматдзетных сем'яў у Беларусі здзіўляе палякаў. Праверылі словы палітолага

Гаворка, верагодна, ідзе пра сямейны капітал ды ільготны крэдыт на будаўніцтва жылля для шматдзетных сем'яў.

Палякаў здзіўляюць «элементы беларускай сацыяльнай дзяржавы», упэўнены праўладны палітолаг Аляксей Дзермант. У прыватнасці, як дзяржава клапоціцца пра шматдзетныя сем'і. Каманда Weekly Top Fake праверыла, ці так гэта. 

Пра дзяржаўную сацыяльную падтрымку шматдзетных сем'яў у Беларусі Аляксей Дзермант разважаў у эфіры СТБ 13 мая 2024 года. 

«Дзівяцца палякі і з іншых элементаў нашай сацыяльнай дзяржавы: дзіцячых садкоў і школ, якім дапамагаюць буйныя прадпрыемствы, з прафсаюзнай дапамогі у адпачынку і аздараўленні, асабліва дзяцей. З рэальнага клопату пра шматдзетныя сем'і», — сказаў палітолаг.

Гаворка, верагодна, ідзе пра сямейны капітал ды ільготны крэдыт на будаўніцтва жылля для шматдзетных сем'яў. 

У Беларусі пры нараджэнні трэцяга ды наступных дзяцей сям'я атрымлівае на рахунак суму, эквівалентную 10 тысячам долараў. А ільготны крэдыт на жыллё выдаецца шматдзетным пад 1% на 40 гадоў. 

У Польшчы няма асобнага віду фінансавай падтрымкі пры нараджэнні трэцяга дзіцяці. Сем'і атрымліваюць дадатковыя выплаты ўжо пры нараджэнні другога — каля 3 тысяч долараў. Яшчэ столькі ж — пры нараджэнні трэцяга. Такім чынам, шматдзетная сям'я ў Польшчы мае прыкладна 6 тысяч долараў «рэальнага клопату». 

Аднак больш важкі ўклад у сямейны бюджэт палякаў ўносяць выплаты «Сям'я 800 плюс». Тут штомесяц атрымліваюць па 800 злотых на кожнае дзіця да паўналецця. Па цяперашнім курсе гэта прыкладна 200 долараў. На трох дзяцей у месяц выходзіць ужо 600 долараў, за 18 гадоў сума можа перавысіць 130 тысяч долараў. У Беларусі на дзяцей, старэйшых за 3 гады, дапамогі няма наогул.

У Польшчы ў 2023 годзе ўвялі крэдыт на першае жыллё пад 2% гадавых. Прычым для ўсіх жадаючых, якіх аказалася так шмат, што праграму прыпынілі і адкарэктавалі. Цяпер ільготны крэдыт даступны людзям з невысокім прыбыткам, пад 1,5% гадавых максімум. І чым большы склад сям'і, тым менш працэнт. Шматдзетныя сем'і атрымліваюць такі крэдыт наогул без працэнтаў.

Дашліце інфармацыю, якая выклікае ў вас сумневы — мы праверым

Іншыя Антыфэйкі / фактчэкі

Замест «Мрії» — клумбы? Ці сапраўды ва Украіне грошы, выдзеленыя на аднаўленне легендарнага самалёта, выдаткавалі на кветкі
Антыфэйк / фактчэк

Замест «Мрії» — клумбы? Ці сапраўды ва Украіне грошы, выдзеленыя на аднаўленне легендарнага самалёта, выдаткавалі на кветкі

Ан-225 «Мрія» — гэта транспартны самалёт з самай вялікай грузападымальнасцю ў свеце, які стварылі пад касмічную праграму.

13 чэрвеня 2024 Чытаць