Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
У Беларусі будуюць усё больш жытла для ільготнікаў? Сацыялізм ад Азаронка супраць рэальнасці ад Белстата
За апошнія 18 гадоў для тых, хто мае патрэбу, сталі будаваць прыкладна на 30% менш квадратных метраў.
У Беларусі для ільготнікаў будуюць усё больш квадратных метраў, таму што ў краіне стрымліваюць развіццё капіталізму, заявіў Рыгор Азаронак. Каманда Weekly Top Fake вывучыла статыстыку Белстата і высветліла, як насамрэч.
Пра ільготнае жыллёвае будаўніцтва, тэмпы яго росту і беларускі сацыялізм Рыгор Азаронак распавёў 19 жніўня 2024 года ў праграме «Азаронак. Наўпрост».
«Быў сацыялізм: і дамы ўсім будавалі бясплатна, і кватэркі ўсім раздавалі бясплатна. Ну, а цяпер мы ўсе, на жаль, акунуліся ў капіталізм. І толькі ў Беларусі бацька яго стрымлівае, што называецца, у стрэмені трымае. Чаму? Таму што ўсе гэтыя ільготы, пра якія мы казалі, будаўніцтва жытла, яно ў нас пастаянна ў квадратах расце», — сказаў вядоўца праграмы.
Паводле звестак Белстата, жыллёвае будаўніцтва для ільготнікаў скарачаецца. За апошнія 18 гадоў для тых, хто мае патрэбу, сталі будаваць прыкладна на 30% менш квадратных метраў. У 2006 годзе плошча такога жытла дасягала 2,2 млн кв. м, а ў 2023-м — 1,6 млн.
Яшчэ больш скарацілася будаўніцтва жытла з дзяржпадтрымкай. За 9 гадоў — на 37%.
У 2015 годзе 33 тысячы грамадзян, якія маюць патрэбу, палепшылі свае жыллёвыя ўмовы, а ў 2023 — 24 тысячы, гэта значыць на 9 тысяч менш.
