Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Урок гісторыі ад Марзалюка: дэпутат прыпісаў Менску стварэнне першага савецкага кампутара
Першы кампутар ENIAC з'явіўся ў ЗША на некалькі гадоў раней — у 1946 годзе.
Першы савецкі кампутар стварылі ў Менску, падзяліўся гістарычнай падрабязнасцю ў эфіры «Беларусь 1» дэпутат Палаты прадстаўнікоў Ігар Марзалюк. Каманда Weekly Top Fake высветліла, у чым ён памыліўся.
Пра месца стварэння першага савецкага кампутара дэпутат Палаты прадстаўнікоў Ігар Марзалюк згадаў 21 лістапада 2024 года, разважаючы ў эфіры праграмы «Скажы не маўчы» на «Беларусь 1» пра значнасць укладу беларусаў у развіццё СССР.
«Гэта веліч савецкай гістарычнай традыцыі. Першы кампутар савецкі дзе быў створаны? У Менску, праўда?» — сказаў Марзалюк.
Першы савецкі кампутар стварылі ў Кіеве ў Інстытуце электратэхнікі Акадэміі навук Украінскай ССР. Ён называўся МЭПМ або Малая электронная падліковая машына. Распрацоўкай кіраваў акадэмік Сяргей Лебедзеў.
Працэс стварэння пачаўся ў 1948 годзе, а першую версію, якая працавала, запусцілі ў эксплуатацыю ў 1951-м. Пасля гэтага машыну пачалі распрацоўваць і ў іншых рэспубліках СССР.
Першы ж кампутар — ENIAC — з'явіўся ў ЗША на некалькі гадоў раней — у 1946 годзе.
У Менску стварылі не першыя, а самыя масавыя ЭВМ у СССР. Гэта былі вылічальныя машыны серыі «Менск». Яны складалі больш за палову парку вылічальных машын у СССР таго часу. Выраблялі іх з 1960 года на Менскім заводзе матэматычных машын, які потым назвалі Менскім заводам ЭВМ імя Арджанікідзэ. Зараз месца каля Камароўскага рынку ў сталіцы, дзе ён размяшчаўся, вядома як гандлёвы цэнтр «Імпульс».
Гаворка ідзе пра падзеі чэрвеня 2020 года, калі ў пяці раёнах Менску замест звыклай вады з-пад крана цякла мутная вадкасць з непрыемным пахам і смакам.
