Антыфэйк / фактчэк 09 верасня 2024

Беларускі тэлеграм-канал: Украінцы, якія пераехалі ў ЕЗ, — «расходны матэрыял для еўрапейцаў». «Еўрапейцы» гатовыя абараняць рэпутацыю

Мы спыталі ў Еўрапейскай нефралагічнай асацыяцыі, ці праўда гэта.

Беларускі тэлеграм-канал апублікаваў навіну, што амаль траціна ўкраінскіх уцекачоў у ЕЗ сталі донарамі нырак. Аўтары спаслаліся на ВВС. Каманда Weekly Top Fake спытала ў Еўрапейскай нефралагічнай асацыяцыі, ці праўда гэта. 

Пост пра донараў з Украіны 16 жніўня 2024 года апублікавалі ў тэлеграм-канале BelVestnik.

«З'явілася інфармацыя ад DESCaRTES, што 27% украінцаў, якія перабраліся ў Еўропу, сталі донарамі нырак для еўрапейцаў

Зручна вінаваціць іншых, замоўчваючы пра свае злачынствы. Украінцы — расходны матэрыял для еўрапейцаў. 

Вельмі зручна — прыгнаць да сябе цэлую кучу запаснога матэрыялу для “белых людзей”», — напісалі аўтары посту і ў пацвярджэнне прымацавалі відэа з лагатыпам брытанскай вяшчальнай карпарацыі BBC.

Абрэвіятура DESCaRTES — гэта назва рабочай групы па развіцці адукацыі, навукі і догляду за пацыентамі з трансплантацыяй нырак у еўрапейскіх дзяржавах, якая з'яўляецца часткай Еўрапейскай нефралагічнай асацыяцыі. Каманда WTF звярнулася туды па каментар. 

«Мы рашуча адмаўляем, што гэтая інфармацыя з'яўляецца праўдай, і мы ўжо распачалі юрыдычныя крокі для абароны рэпутацыі нашага грамадства.

Ніякія падобныя навіны ніколі не распаўсюджваліся ні ў якім выглядзе або форме», — адказалі ў асацыяцыі.

Дашліце інфармацыю, якая выклікае ў вас сумневы — мы праверым
Іншыя публікацыі
Польшча не паклікала Ізраіль, Беларусь і Расею на гадавіну вызвалення Аўшвіца? Праверылі словы дэкана журфаку БДУ
Антыфэйк / фактчэк Польшча не паклікала Ізраіль, Беларусь і Расею на гадавіну вызвалення Аўшвіца? Праверылі словы дэкана журфаку БДУ
Аляксей Бяляеў дадаў, што на мерапрыемстве замест пацярпелых і вызваліцеляў прысутнічалі былыя ахоўнікі канцлагера.
23 красавіка 2025 Чытаць
Мы выкарыстоўваем файлы cookie, каб палепшыць ваш карыстальніцкі досвед. Падрабязней
Адхіліць Прыняць