Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
210 краін байкатуюць трансляцыю Алімпійскіх гульняў? БелТА апублікавала выдуманы факт
На цырымоніі адкрыцця Алімпійскіх гульняў у Парыжы 26 ліпеня паказалі сцэну, якая нагадвае твор Леанарда Да Вінчы «Таемная вячэра». Некаторыя вернікі назвалі гэта абразлівым.
На цырымоніі адкрыцця Алімпійскіх гульняў у Парыжы 26 ліпеня паказалі сцэну, якая нагадвае твор Леанарда Да Вінчы «Таемная вячэра». Некаторыя вернікі назвалі гэта абразлівым. У выніку 210 краін свету забаранілі трансляцыю гульняў, распавяла БелТА расейская журналістка Алена Кандрацьева-Сальгера, якая пражывае ў Францыі. Каманда Weekly Top Fake даведалася, ці была забарона.
Пра рашэнне не паказваць Алімпійскія гульні журналістка Алена Кандрацьева-Сальгера распавяла ў інтэрв'ю Беларускаму тэлеграфнаму агенцтву 1 жніўня 2024 года.
«Гэта быў глабальны тэст па практычна ўсім свеце, паколькі, як вы ведаеце, 210 урадаў забаранілі трансляцыю наогул. Гэта значыць рэакцыя была вельмі, я б сказала, негатыўная агулам і вельмі рэзкая», — ацаніла сітуацыю журналістка.
Кандрацьева-Сальгера не ўдакладніла, што менавіта забаранілі гэтыя ўрады: трансляваць Гульні наогул ці толькі цырымонію адкрыцця. У любым выпадку, ніякіх пацвярджэнняў гэтай інфармацыі няма.
Цырымонія адкрыцця ішла ў жывым эфіры. На момант публікацыі запіс ёсць у вольным доступе ў інтэрнэце. Ён недасяжны толькі на афіцыйным ютуб-канале МАК. І, як патлумачылі ў камітэце, толькі ў Еўропе і Вялікай Брытаніі, таму што МАК не мае правоў на яго трансляцыю на гэтых рынках.
У Алімпійскіх гульнях удзельнічае больш за 200 краін. Спіс дзяржаў, якія набылі правы на вяшчанне ў жывым эфіры, даволі доўгі. Інфармацыі, што хтосьці з іх адмовіўся ад трансляцый, не праходзіла.
